Përbërësit

6 fileta pule
2 lugë gjellë kos me pak yndyrë ( parapëlqehet kosi grek)
2 lugë gjellë vaj ulliri
1 lugë gjellë lëng limoni
2 lugë çaji kripë
1 lugë çaji faferon i kuq i bluar
1/2 lugë çaji piper
pak kanellë
1 lugë erëza të përziera

Përgatitja :
Të gjithë përbërësit e lartpërmendur, me përjashtim të filetave, i përziejmë për të bërë marinadën. I vendosim filetat e pulës në tasin me marinadë, e mbulojmë enën me plastmas kuzhine dhe e lëmë për 20 minuta në frigorifer.

I nxjerrim filetat dhe i fshijmë lehtë me letër kuzhine dhe i lëmë pak derisa të arrijnë temperaturën e dhomës. Pastaj i pjekim në zgarë derisa të marrin një ngjyrë kafe të praruar. Zakonisht i pjekim në zjarr të fortë që të piqen fort nga jashtë e të rrinë të buta brenda e të jenë të lëngshme. Mënyra më e mirë për t’i dhënë një shije të veçantë mishrave të pjekur është marinada. Në këtë mënyrë shmangim përdorimin e shumë vajrave dhe erëzave.

Këshilla për marinimin e mishit:
Kurrë mos e shponi mishin gjatë marinimit sepse kështu humbet lëngjet e tij. Marinada duhet të mbulojë të gjithë mishin dhe ena duhet të jetë gjithmonë e mbuluar dhe e vendosur në frigorifer. Gjithmonë përdorim një enë të qelqtë ose plastike dhe asnjëherë enë alumini për marinimin e mishrave ./recetakuzhine/

Përbërësit për 4-6 persona:

* 500 gr mish i grirë
* 60 gr bukë bajate
* 1-2 qepë
* 1 ve
* 2-3 lugë gjelle vaj
* 300 gr oriz
* 1 thelb hudhre
* 2 presh
* 1 kg domate (ose 1 dozë 425 ml)
* 2-3 lugë gjelle salcë domateje
* pipër i zi dhe i kuq
* kripë
* 1 dozë misër (425 gr)
* majdanoz

Përgatitja:

Buka qitet në një enë me pak ujë të ftohtë, dhe lihet të zbutët. Qeptë qërohen e grihën imët. Buka e zbutur hiqet nga uji, ndrydhët e qitet në mish, qitet edhe gjysma e qepëve të grira, veja e mëlmesa dhe, mishi përzihet mirë. Yndyra qitet mbi zjarr, nga mishi formohen qofte dhe qitën e fërgohen diku rreth 7-8 minuta, duke i rrotulluar herë pas herë, qoftet hiqen nga yndyra dhe lihen në një anë. Në një enë qitet ujë të valohet, qitet kripa e orizi dhe në temperaturë të ulët lihet të zihet 18 minuta, pastaj hiqet nga zjarri dhe derdhet në kulluese.

Preshtë lahen e grihën në rrathë. Hudhra qërohet e grihët imët. Domatet nëse janë të freskëta, qitën në ujë të valë dhe lihen të përvëlohen 2-3 minuta. Hiqen nga uji, shpëlahen më ujë të ftohtë, qërohen e prehën në copa të vogla. Në yndyrën ku janë fërguar qoftet, kaurdisën preshtë, qeptë dhe hudhra, pastaj shtohen domatet e grira, qitën edhe mëlmesa sipas dëshirës dhe salca zihet edhe 5-6 minuta. Misri hiqet nga doza qitët në kulluese dhe i shtohet salcës, pastaj edhe qoftet e fërguara qitën mbi salcë dhe të gjitha së bashku zihen edhe 2-3 minuta. Ena hiqet nga zjarri. Salca shërbehet me oriz, majdanozi i freskët hidhet sipër.

Përbërësit për brumin:

* 500 gr miell,
* 80 gr margarinë,
* 1 lugë maja,
* 1 lugë e vogël sheqer,
* 2 vezë,
* 2.5 dcl qumësht, kripë.

Për kurorë:

* Afro 2.5 kg mish qengji (dy palë brinjë),
* 200 gr gjoks pule ose mish qengji i prerë në kubik të vegjël,
* 2 lugë ajkë të thartë,
* 1 tubë qepë të njoma,
* 1 kungulleshkë e vogël,
* 2 lule të ndara lulelakre,
* 50 gr gjalp ose vaj ulliri,
* majdanoz i grirë hollë, ruzmarinë, kripë, vegetë, piper,
* 1 vezë për lyerje.

Përgatitja:

Zinet brumi me përbërësit e lartpërmendur dhe vendoset në vend të ngrohtë që të vijë. Mishi kriposet, fërkohet me mëlmesa sipas shijes. Zhvishen brinjët, u jepet forma e kurorës duke i bashkuar të dy palët e brinjëve dhe lidhen me spango kuzhine. Majat e brinjëve veç e veç mbështillen me folje, në mënyrë që gjatë pjekjes ato mos të nxihen. Nëse qengji është i moshës shumë të re,vendoset në tepsi të lyer me yndyrë, në mesin e zbrazët të kurorës futet një enë e vogël me pak ujë, që ta ruaj formën. Mbulohet me alufolje dhe futet në furrë të nxehtë me temp.200 gradë C për t’u pjekur për afro 40 min. Në të kundërtën, vendoset në tenxhere të gjërë me pak ujë që të zihet për ½ ore e pastaj me kujdes vendoset në tepsi që të piqet në furrë edhe ½ ore. Ndërkohë përgatitet mbushja. Mishi i zhveshur nga brinjët, ose mishi i pulës, fërgohet me qepë gjersa të zbutet. Shtohen perimet, ajka dhe mëlmesat. Kurora gjysmë e pjekur largohet nga furra, mbushet mesi i zbrazët i kurorës me yçin e përgatitur nga copëzat e mishit me perime dhe futet në furrë për t’u pjekur edhe 20 min. Brumi i ardhur ndahet në tri pjesë të cilat hollohen në tre shirita dhe thuren në formë gërshete. Mishi i pjekur largohet nga furra për t’u ftohur pak, pastaj mbështillet me gërshetë brumi. Pasi të vijë pak brumi, lyhet me vezë të tundur dhe prapë futet në furrë për t’u pjekur së pakut edhe ½ ore së bashku me mishin kurorë.

Për 4 persona

* 1 pulë e 2 kokë qepë
* 3 thelpinj hudhër
* 2 speca jeshil djegës
* 3 domate
* 1 kub supë e gatshme pule
* ½ luge borzilok
* 300 ml vaj ulliri
* 1 patëllxhan
* vaj, kripë dhe piper i zi

Përgatitja:

Pulën e presim në tetë copë. I kripim, grijmë mbi to piper të zi. Në tiganin me rreth 300 ml vaj i skuqim copët e mishit. Në tenxhere në zjarr me ujë të valuar e ziejmë kubin e supës. I heqim copët e mishit të skuqur dhe në tigan e skuqim qepën e grirë. Specat dhe domatet i presim në copë dhe i shtojmë në tigan. Pastaj, në tigan e shtojmë hudhrën e prerë. Hedhim kripë, borzilok dhe grijmë piper të zi.

Përmbajtjen nga tigani e hedhim në tenxhere në zjarr. Në tenxhere i vëmë copët e mishit të pulës dhe e hedhim supën. Pasi zien mishi, e heqim tenxheren nga zjarri. Patëllxhanin e presim në rrathë. I kripim rrathët e patëllxhanit dhe i skuqim në vaj.

Pjatën për servirje e zbukurojmë me një gjeth sallate jeshile. Me lugë, marrim nga mishi i pulës pikant dhe vëmë në pjatën për servirje. Pastaj, në pjatë i servirim shkallë-shkallë fetat e patëllxhanit. Në mes të pjatës zbukurojmë me një degë majdanozi dhe me copë speci të kuq.